Қызылордада дария қаупі сейіле қойған жоқ

ҚЫЗЫЛОРДА. ҚазАқпарат - Қызылордада Сырдария өзені арқылы жоғарыдан келетін су мөлшері артқан жағдайда қолға алынатын іс-қимыл алгоритмі жасалған. Ол уақытта су алатын көлдер мен каналдар толық дайын тұр, деп хабарлайды ҚазАқпарат тілшісі.

Қызылорда облыстық жұмылдыру дайындығы басқармасы басшысының орынбасары Ғабит Жаңабаевтың айтуынша, Сыр өңіріндегі кейбір ауылдар дарияға өте жақын орналасқан. Олардың қатарында Сырдария ауданындағы Тереңөзек кенті мен Қалжан ахун ауылы, Жалағаш ауданындағы Ақсу, М.Шәменов, Таң елді мекендері мен Жалағаш кенті бар. Былтыр желтоқсан айында Сыр өңірінде салқын ауа райы сақталып, дария бетінде қалың мұз ұстасты.

«Бұл былтырғы мөлшерден 50 текшеметрге аз. Сондықтан су алып кетеді, көтеріліп кетеді деуге негіз жоқ. Бұл - қыстың күні болатын қалыпты жағдай», - деді «Қазсушар» РМК өндірістік уческе бастығы Жорабек Нұрымбетов.

Қазіргі таңда Шардара су қоймасынан төменгі бөлікке секундына 900 текше метр су босатылуда. Оның ішінде 400-і Көксарай су реттегішіне жіберілді. Қазір облыс аумағына секундына 553 текшеметр су келуде.

Бұдан бұрын Сырдария өзенінің Қызылордаға жақын тұсында мұз жүргенін хабарланды .

Сондай-ақ, Қызылорда тұсында Сырдария суы бөгетті бұзып кетті.