Қызылордада бүгін 8 сәби дүние есігін ашты

ҚЫЗЫЛОРДА. ҚазАқпарат – Қызылордада сайлау күні 18 жасқа толған өңірдегі 14 азамат алғаш рет дауыс берді, деп хабарлайды ҚазАқпарат әкімдікке сілтеме жасап.

Қызылорда облысында сайлауға келген халық нөпірі көп. Ауылдық жердегі азаматтар маңызды күннен қалыс қалмай, өз таңдауларын жасауға асығуда.

Дәл бүгін 18 жасқа толған өңірдегі 14 азамат алғаш рет дауыс берді. Олар Тәуелсіз еліміз үшін әрбір азаматтың науқанда таңдау жасауы маңызды дейді.

14 азаматтың барлығы да ауылдық елді мекенде тұрады.

Сондай-ақ сайлау күні перзентханада 8 сәби дүние есігін ашты.

Сайлау күні өз учаскесін анықтау үшін saylau.orda.gov.kz онлайн платформаласын 30 мыңға жуық тұрғын қолданса, телеграм ботты 9 мыңға жуық азамат пайдаланған. Сондай-ақ, бүгін 109 call орталығына 278 қоңырау түсті.

Айта кетейік, өңірде 373 сайлау учаскесі және 486 002 сайлаушы бар.