Қызылордада бір адамнан Конго-Қырым геморрагиялық қызбасы анықталды
2022 жылғы 20 мамыр 12:21

Қызылордада бір адамнан Конго-Қырым геморрагиялық қызбасы анықталды

ҚЫЗЫЛОРДА. ҚазАқпарат - Қызылордада бір адамнан Конго-Қырым геморрагиялық қызбасы нақтыланды, деп хабарлайды ҚазАқпарат тілшісі.

Жыл басынан бері бүгінгі күнге дейін 205 адамды кене шаққан. Олардың арасынан 3 адам Конго-Қырым геморрагиялық қызбасы ауруына күдікті болған еді.

«Науқастардың 1-уінің диагнозы зертханалық, эпидемиологиялық және клиникалық жолмен нақтыланды. Ал 2-уінің диагноздары зертханалық зерттеу қорытындысы теріс болуына байланысты өзгертілді», - деп мәлім етті Қызылорда облыстық санитариялық-эпидемиологиялық бақылау депаратаментінің баспасөз хатшысы Айман Жанахаева.

Былтыр өңірде 12 адамнан Конго-Қырым геморрагиялық қызбасы анықталған еді.

Биыл өңірде 116 елді мекенде кенелер көбеюі мүмкін деген қауіп бар.

Атап айтқанда, аудандар бойынша Аралда - 25, Жаңақорғанда - 19, Шиеліде - 16, Қазалыда - 14 елді мекен болса, қалғаны өзге аудандарда орналасқан.

Бұл елді мекендердің залалсыздандыру іс-шараларына жергілікті бюджеттен қаржы қарастырылған.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT