Қызылордада бейнебақылау камерасының көмегімен 92 қылмыстың беті ашылды
Биылғы жылдың 10 айында департаменттің Жедел басқару орталығының 102 арнасына 34 мыңға жуық қоңырау түскен. Оның ішінде полиция құзырына жататын 32 мыңнан астам хабарламаға қызмет көрсетілді.
«Бейнебақылау камерасының көмегімен 92 қылмыстың беті ашылды. Бейнебақылаушы мамандар азаматтардан келіп түскен хабарламаларды қабылдау және өңдеу барысында барлық күдікті әрекеттерді, адамдардың мінез-құлқын және бейнебақылау камерасына түскен күмәнді тұлғаларды жедел тексереді», - деп мәлім етті Қызылорда облыстық полиция департаментінен.
Жыл басынан бері бейнебақылау камераларының көмегімен барлығы 14 мың әкімшілік құқық бұзушылық анықталды. Нәтижесінде 12 мың жол қозғалысы ережелерін бұзу анықталды.
Сондай-ақ, Қызылордада қаңғыбастыққа салынған адамдарға көмек көрсетілді.