USD 434.34 EUR 491.93
RUB 5.56 CNY 68.67
Jańalyqtar

Қызылордада белсенді халықтың үштен бірі кәсіпкерлікпен айналысуда

2021 жылғы 21 қазан 03:29
Бөлісіңіз:
Қызылордада белсенді халықтың үштен бірі кәсіпкерлікпен айналысуда

ҚЫЗЫЛОРДА. ҚазАқпарат - Қызылорда облысында экономикалық белсенді халықтың үштен бірі кәсіпкерлік саласында еңбек етеді, деп хабарлайды ҚазАқпарат тілшісі.

Ұқсас жаңалықтар
Қызылорда облысында шағын және орта кәсіпкерлік нысандарының саны артты Тәртіпсіздіктер салдарынан зардап шеккен кәсіпкерлердің шығынын өтеудің ережесі шықты Ақмолада бизнесті қолдау мен дамытудың мемлекеттік бағдарламасы сәтті жүзеге асып жатыр

Пандемия шектеулеріне қарамастан өңірде кәсіп ашуға ниетті азаматтар саны артып келеді. Бұл бойынша облыс еліміз бойынша үздік үштікке енді. Сондай-ақ, облыстағы экономикалық белсенді халықтың үштен бірі кәсіпкерлік бағытта жұмыспен қамтылған. Аталған өсім 9,1 пайызды құрап, аймақтар арасында ІІ орынға көтерілді.

«Кәсіпкерлік субьектілер санының ұлғаюына мемлекеттік қолдау шаралары әсер етті. Мәселен, 9 ай ішінде «Бизнестің жол картасы 2025» мемлекеттік бағдарламасы аясында жалпы құны 20,8 млрд. теңгені құрайтын 1360 жоба қолдау тапса, 813 жоба 5,1 млрд.теңгеге кепілдендірілді. Мұнан бөлек, қаржы ұйымдарымен кәсіпкерлердің 615 жобасына 2 млрд.теңге көлемінде шағын несие берілді. Оның ішінде «Қызылорда» Өңірлік инвестициялық орталығымен 14 кәсіпкерге 2 пайызбен 348 млн. теңгеге қаржыландырылды. Мұндай қолдауларды келесі жылы да іске асырамыз»,-деді облыстық кәсіпкерлік және туризм басқармасының басшысы Фердоуси Қожабергенов.

Басқарма басшысының айтуынша, сауда және туризм саласында да ілгерілеу бар. Жалпы сауда айналымы өткен жылмен салыстырғанда 2, ал келуші туристер саны 46 пайызға, көрсетілген қызметтер көлемі 58 пайызға артқан.

Жағымды жаңалық келер жылдан бастап туризм саласында жаңа мемлекеттік қызметтер, яғни автокөлік құралдарын сатып алу, туризм нысандарын салу, санитариялық-гигиеналық тораптарды күтіп-ұстау шығындарының бір бөлігін субсидиялау арқылы өтеу механизмі енеді.

Еске салсақ, Қызылордада жыл басынан бері өнеркәсіп кәсіпорындары 543 млрд теңгенің өнімін өндірді.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT