+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Қызылордада 425 қойы бар отбасы әлеуметтік көмек алған

2019 жылғы 7 қараша 12:05
Бөлісіңіз:
Қызылордада 425 қойы бар отбасы әлеуметтік көмек алған

ҚЫЗЫЛОРДА. ҚазАқпарат - Қызылорда облысында атаулы әлеуметтік көмек алғандар қатарында дәулетті азаматтар болған. Осы мақсатта жүргізілген тексеру барысында осындай келеңсіздіктер анықталды, деп хабарлайды ҚазАқпарат тілшісі.

Ұқсас жаңалықтар
Арқалық қаласында бірнеше буынға жалғасқан полицейлер отбасы тұрады Көкшетауда науқас қызға көмектесу үшін қайырымдылық концерті өтті Шетелдік сарапшыларға «бір терезе» қағидаты бойынша қызмет көрсетіледі

Тиісті сала мамандарының тексеруі нәтижесінде 1597 отбасына 1 млрд 71 млн теңге әлеуметтік көмек тағайындау тоқтатылды. Артық төленген 229 млн теңге бюджетке қайтарылған. Атаулы көмек алушылар саны Қызылорда қаласында – 4,5, Жаңақорғанда – 3,8, Шиеліде – 3,5 есеге артқан.

«Бұл атаулы әлеуметтік көмектің ретсіз тағайындалғанын көрсетеді. Тексеру барысында көптеген олқылықтар анықталды. Осындай көмекке ие болғандар қатарында 425 қойы, 19 түйесі бар отбасылар кездесті. Сондай-ақ, тағы бірінде 41 түйе, 47 жылқы бар екені белгілі болды. Жалпы, мемлекет көмегін шын мұқтаж адамдар алуы тиіс. Атаулы әлеуметтік көмекті алу үшін әдейі ажырасу, жұмыстан ерікті түрде шығу, табысты жасыру сияқты әрекеттерге баратын адамдар кездеседі», - деді Қызылорда облысының әкімі Қуанышбек Ысқақов «Nur Otan» партиясы облыстық филиалы саяси кеңесі бюросының кеңейтілген отырысында.

Қазіргі таңда Қызылорда облысында әрбір отбасына 84 мың теңгеден жоғары атаулы әлеуметтік көмек беріледі. Биылғы жылдың 1 қазанындағы мәлімет бойынша мұндай көмекті 147 мыңнан астам тұрғын алған.

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT