Қызылордада 16 адамды алдаған алаяқтар ұсталды
2022 жылғы 16 мамыр 14:51

Қызылордада 16 адамды алдаған алаяқтар ұсталды

ҚЫЗЫЛОРДА. ҚазАқпарат - Қызылордада 16 адамды алдаған алаяқтар ұсталды. Олар тұрғындарға мұнай компаниясына жұмысқа тұрғызуға уәде берген, деп хабарлайды ҚазАқпарат тілшісі.

Қызылорда облысында 16 тұрғынды алдап соққан алаяқтар қолға түсті. Олар тұрғындарды Теңіз мұнай компаниясына жұмысқа орналастырамыз деп уәде берген.

«Байқоңыр полициясына 16 тұрғын алаяқтың құрбаны болғаны туралы арызданған. Осы жылдың наурыз-сәуір айларында екі азамат әлеуметтік желі арқылы арнайы топ ашқан. Онда ақшалай сыйақы арқылы Атырау облысындағы Теңіз мұнай компаниясына жұмысқа орналастыратынын айтқан. Сол арқылы әр адамнан 150-200 мың теңге аралығында банктегі есепшотына ақша аудартып алған. Жәбірленушілерге келген шығын үш млн теңгеге жуықтаған», - деп мәлім етті Қызылорда облыстық полиция департаментінен.

Ведомствоның мәліметінше, жедел-іздестіру шаралары барысында алаяқтық жасады деген күдікпен екі әйел ұсталды. Олардың екеуі де Қызылорда облысында дүниеге келген. Аталған дерек бойынша ҚР Қылмыстық кодексінің 190-бабының 3-бөлігі 4-тармағымен (Алаяқтық) сотқа дейінгі тергеп-тексеру әрекеттері жүргізілуде.

Еске салсақ, бұдан бұрын Қызылордада қаңтар оқиғасында полиция ғимаратына қарулы шабуыл жасағандар ұсталғаны жазылды.



Ұқсас жаңалықтар
Полиция Ұзынағаш ауылындағы кісі өліміне қатысы болуы мүмкін күдіктілерге іздеу жариялады
2022 жылғы 10 тамыз 13:12

Полиция Ұзынағаш ауылындағы кісі өліміне қатысы болуы мүмкін күдіктілерге іздеу жариялады

ҚОНАЕВ. ҚазАқпарат - Алматы облысы Жамбыл ауданы Ұзынағаш ауылында адам өліміне қатысы бар күдіктілерге полиция іздеу жариялады, - деп хабарлайды ҚазАқпарат тілшісі.

Алматы облыстық полиция департаменті баспасөз қызметінің мәліметінше, күдіктілер ұсталған сәтте сот санкциясымен бірден қамауға алынады. Қазір құзырлы орган төрт адамға іздеу жариялады.

1. Қозыбаев Ғани Мұратұлы 1991 жылы 3 қарашада туған. Оған 99 баптың (Адам өлтіу) 2 бөлігі 1,7,9 тармағы және 293 баптың 2 бөлігі 3 тармағында (Қаруды қолдану арқылы бұзақылық жасау) көрсетілген қылмысты жасады деген күдік келтіріліп отыр.

2. Тыныштықов Асқар Жаныбекұлы 1992 жылы 5 қыркүйекте дүниеге келген. Оған «Адам өлтіруге» оқталу бабы және 293 баптың 2 бөлігі 3 тармағында (Қаруды қолдану арқылы бұзақылық жасау) көрсетілген қылмысты жасады деген күдік келтірілді.

3. Шокенов Серікбола Мұратбеков 1992 жылы 1 қаңтарда туған. Ол 293 баптың 2 бөлігі 3 тармағында (Қаруды қолдану арқылы бұзақылық жасау) көрсетілген қылмысты жасады деген күдікке алынып отыр.

4. Аукенов Нұрсұлтан Бақтиярұлы 1992 жылы 25 қарашада дүниеге келген. Ол 293 баптың 2 бөлігі 3 тармағында (Қаруды қолдану арқылы бұзақылық жасау) көрсетілген қылмысты жасады деген күдікке алынып отыр.

Полиция күдіктілер жайлы ақпарат білетіндер төмендегі номерге хабарласуды сұрайды.

+7 701 500 08 47, +7 700 200 07 88, +7 702 717 77 17, +7 707 738 78 78, +7 72770 2 26 02 немесе 102.


2 кг гашишті сату кезінде ұсталған Петропавл тұрғыны сотталды
2022 жылғы 10 тамыз 00:04

2 кг гашишті сату кезінде ұсталған Петропавл тұрғыны сотталды

ПЕТРОПАВЛ. ҚазАқпарат – Солтүстік Қазақстан облысында жыл басынан бері есірткі саудасына қатысты 46 дерек тіркелсе, 22 адам бас бостандығынан айырылды, деп хабарлайды ҚазАқпарат тілшісі.

СҚО полиция департаменті баспасөз қызметінің мәліметінше, Петропавл қаласының 35 жастағы тұрғыны 11,5 жылға сотталды. Өткен жылдың қыркүйек айында жедел-іздестіру шараларының нәтижесінде ер адам 2 келіге жуық гашишті сату кезінде «Тайга» сауда орталығының жанында ұсталды. Есірткінің бұл түрі үшін аса ірі көлем 200 грамнан басталады.

Ұсталған адам бұрын мүліктік қылмыс жасағаны үшін бірнеше рет жазаға тартылған. Бірақ бұдан өзіне ешқандай қорытынды жасамаса керек. Ер адам бас бостандығын шектеу жазасына тартылғанына қарамастан есірткі сатумен айналысқан. Сот бұл фактіні ескеріп, есірткі қылмысы үшін көзделген мерзімге ұрлық жасағаны үшін өтелмеген жаза мерзімінің бір бөлігін қосты. Енді ол жазасын қауіпсіздігі барынша жоғары мекемеде өтейді.

«Есірткіні сату – аса ауыр қылмыстар санатына жатады, заңнамада бұл қылмыстар үшін қатаң жаза қарастырылған. Жыл басынан бері СҚО-да есірткіні сатқаны үшін 22 адам сотталды. Жалпы есірткі сатудың 46 фактісі тіркелді, олардың 27 – аса ауыр, яғни бірнеше рет, топпен жасалған, аса ірі көлемде, т.б.. Заңсыз айналымнан жалпы 300 келіден астам есірткі тәркіленді.

СҚО ПД Есірткі қылмысына қарсы іс-қимыл басқармасында 8 (7152) 39-72-16 сенім телефоны жұмыс істейтіні туралы еске саламыз. Сенім телефоны арқылы есірткінің заңсыз айналымына қатысы бар фактілерді хабарлауға болады. Сондай-ақ, полицияға Instagram, Facebook әлеуметтік желілеріндегі аккаунтар және «102» арнасы арқылы хабарласуға болады. Азаматтық қоғамның белсенді түрде көмек көрсетуі – есірткі бизнесіне қарсы күрестің негізгі шарттарының бірі», - дейді СҚО ПД Есірткі қылмысына қарсы іс-қимыл басқармасының бастығы Жандос Басыбаев.


Қызылордада жол бойында көлік өртеніп, газ баллоны жарылды
2022 жылғы 9 тамыз 13:50

Қызылордада жол бойында көлік өртеніп, газ баллоны жарылды

ҚЫЗЫЛОРДА. ҚазАқпарат - Қызылорда облысында үлкен жолдың бойында жеңіл көлік толығымен өртеніп, онда орнатылған газ баллоны атылды, деп хабарлайды ҚазАқпарат тілшісі.

Оқиға 8 тамызда сағат 15.40-та «Батыс Қытай - Батыс Еуропа» тасжолының Аққұм ауылының тұсында болған. Сол уақытта төтенше жағдайлар департаментіне «Волга» көлігі жанып жатқаны жөнінде хабар түскен.

«Оқиға орнына №11 өрт сөндіру бөлімінен 1 техника мен 5 қызметкер барды. Жол бойында 2004 жылы шығарылған жеңіл көліктің толығымен жанып кеткені аңғарылды. Автокөлікке газ орнатылғаны анықталды. Өрт сөндіру автокөлігі жеткенше көлікте орнатылған газ баллоны атылған. Оқыс оқиғадан қайтыс болғандар және зардап шеккендер жоқ», - деді Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.

Ведомство мәліметінше, жыл басынан бері облыста автокөліктерде 61 өрт тіркелген. Оның 25-і Қызылорда қаласында тіркелсе, қалғаны аудандарда болған.

Еске салсақ, бұдан бұрын Қызылордада пәтердегі өрттен ес-түссіз жатқан әйел құтқарылды.



Jańalyqtar

Үрдіс

MURAǴAT