+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Қызылорда облысының Қармақшы ауданында тойханалар өндіріс орнына айналдырылды

2020 жылғы 14 тамыз 09:53
Бөлісіңіз:
Қызылорда облысының Қармақшы ауданында тойханалар өндіріс орнына айналдырылды

ҚЫЗЫЛОРДА. ҚазАқпарат – Қызылорда облысы Қармақшы ауданында тойханалар өндіріс орнына айнала бастады, деп хабарлайды ҚазАқпарат тілшісі.

Қармақшы ауданындағы 3 тойхана иесі бизнестегі бағытын өзгертті. Ауданға қарасты Дүр Оңғар ауылында темірбетон өнімдерін шығаратын цех ашылды. Сол арқылы ауыл азаматтары еңбекпен қамтылды. Құрылыс материалдарын өндіруге жол ашылды.

«Ауылда суға салатын кіші және үлкен лотоктарға сұраныс зор. Сондай-ақ, біз қабырға тақтасын да шығарып жатырмыз», - деді серіктестік директорының орынбасары Оралбай Машарапов.

Ауыл тұрғыны Ерсін Өтеев те өз кәсібін әртараптандыруды көздеп отыр. Ол шеге, тор, тікен сым сынды ауыл шаруашылығына қажетті өнім түрлерін шығаратын құрылғы сатып алған. Ол үшін мемлекеттік қолдау аясында жеңілдетілген несие алған.

Жалпы, Қармақшы ауданында құны 28 миллион теңгені құрайтын 4 жоба «Қарапайым заттар экономикасы» аясында жүзеге асқан.

«Жыл басынан бері 54 кәсіпкер 296 миллион теңге көлемінде несие алып, өз кәсібін дөңгеленте түсті. Қазір ауданда 27 кіші цех ашылды», - деді Қармақшы ауданының әкімі Мұса Қалдарбеков.

Карантин кезінде бұрын тойхана бизнесімен айналысқан кәсіпкерлер қатарында ісін жаңа бағытқа бұрған кәсіпкерлер саны артты. Олардың бірі түшпара әзірлейтін цех ашуға ниет білдірсе, енді бірі құс шаруашылығын ашуға бетбұрыс жасау мақсатында арнайы жоба дайындауда.

«Тағы бір тойхана иесі желілік дүкен ашуға ниет білдірді. Оған қоса, кенттегі тойхана қонақ үй есебінде пайдаланылуда», - деді Қармақшы аудандық кәсіпкерлік бөлімінің басшысы Еркебұлан Әбдікеров.

Еске сала кетсек, қызылордалық кәсіпкерлер мұқтаж отбасыларға қол ұшын созды.



Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT