+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Қызылорда облысында жолда тұрып қалған көліктерге көмек көрсетіліп жатыр

2021 жылғы 24 қаңтар 13:10
Бөлісіңіз:
Қызылорда облысында жолда тұрып қалған көліктерге көмек көрсетіліп жатыр

ҚЫЗЫЛОРДА. ҚазАқпарат - Қызылорда облысы Жаңақорған ауданында ауа райы күрт нашарлап, қар құрсауында қалып қойған автокөліктерді құтқару жұмыстары жүргізілді, деп хабарлайды ҚазАқпарат тілшісі.

Ұқсас жаңалықтар

Аудан аумағында 23 желтоқсан күні сағат 14.27-те ауа райы күрт құбылып, боран мен қатты жел соқты. Осының салдарынан «Самара-Шымкент» автомобиль жолының 1912-2057 шақырымы жабылды. Бұл Түркістан облысына дейінгі шекараға дейін көліктердің қар құрсауында қалып, кептеліске тап болуына алып келді.

Жолда қалып қойған жүргізушілерге көмек көрсету мақсатында тиісті шаралар атқарылды. Осы мақсатта облыстық төтенше жағдайлар департаменті «Өрт сөндіру және авариялық-құтқару жұмыстары қызметі» мекемесінен 10 қызметкер және 2 техника, №14 өрт сөндіру бөлімшесінен 8 қызметкер және 2 бірлік техника жұмылдырылды.


«Жанақорған ауданындағы 2010-2035 шақырым аралығында қар құрсауынан жолдың таза учаскесіне 4 жүк, 3 жеңіл автокөлігі шығарылып, 12 адам құтқарылды. Бұл Манап ауылы мен Қыраш елді мекендері аралығын қамтиды. Ал сағат 19.10-те Түркістан облысының шекарасы тұсындағы жолдың 2056 шақырымында қар құрсауынан жолдың таза учаскесіне 7 жүк, 6 жеңіл автокөлігі шығарылып, 14 адам құтқарылды. Қайтыс болған және зардап шеккен адамдар жоқ. Қазіргі таңда автокөліктер толықтай қар құрсауынан шығарылған», - деп мәлім етті облыстық төтенше жағдайлар департаменті «Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.

Жолды тазарту жұмыстарына «ҚазАвтоЖол» ЖШС-нен 7 техника және 15 қызметкер жұмылдырылды.

Естеріңізге сала кетелік, бұдан бұрын Қызылордада көліктері қар құрсауында қалған алты аңшы құтқарылды.




Біздің каналымызға жазылыңыз:

Бөлісіңіз:

Автор:

Әділжан Үмбет

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT