Қызылорда облысында төрт түлікке жем-шөп дайындаудың арнайы жоспары бекітілді
2021 жылғы 7 қараша 09:40

Қызылорда облысында төрт түлікке жем-шөп дайындаудың арнайы жоспары бекітілді

ҚЫЗЫЛОРДА. ҚазАқпарат - Қызылорда облысында ауыл шаруашылығы малдарын жем-шөп қорымен қамтамасыз етудің арнайы жоспары бекітілді, деп хабарлайды ҚазАқпарат тілшісі.

Өңірде өткен жылмен салыстырғанда мал басының біршама артқаны байқалды. Атап айтсақ, мүйізді ірі қара – 8,2, қой мен ешкі – 6,5, жылқы - 14,2, түйе – 8,1 пайызға көбейді.

Тиісінше, ет өндірісі – 2,4, сүт өнімі – 2,3, жұмыртқа 3,1 пайызға артты. Биыл Арал ауданында орын алған төтенше жағдайға байланысты төрт-түлікті қыста мал азығымен қамтамасыз ету үшін аудандық штабтар құрылды.

«Облыс бойынша қысқа түсетін ауыл шаруашылығы жануарларын жем-шөп қорымен қамтамасыз етудің арнайы жоспары бекітілді. Қысқа түсетін малдарға 213,6 мың тонна азық қажет болса соның 80,9 пайызы қамтылды. Жауапты министрлікке мал азығын дайындауға қосымша 3,8 мың тонна дизель отынына тапсырыс беріліп, аудандар бойынша шаруашылықтар бөлінісіндегі кестесі дайындалды», - деді облыстық Ауыл шаруашылығы басқармасы басшысының орынбасары Қайратбек Сәрсенбаев.

Жыл көлемінде облыс бойынша 534,7 мың шартты мал басына қыс мезгіліне 769,9 мың тонна азық дайындау жоспарланған болатын. Қазіргі таңда қажетті мал азығы 109,8 пайызды құрады.

Еске салсақ, бұдан бұрын Қызылорда облысында күзгі егін жинау жұмысы толығымен аяқталғанын жазған болатынбыз.


Jańalyqtar

MURAǴAT