+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қызылорда облысында күзгі егін жинау жұмысы толығымен аяқталды

2021 жылғы 21 қазан 21:25
Бөлісіңіз:
Қызылорда облысында күзгі егін жинау жұмысы толығымен аяқталды

ҚЫЗЫЛОРДА. ҚазАқпарат - Қызылорда облысында күзгі егін жинау жұмыстары толығымен аяқталды, деп хабарлайды ҚазАқпарат тілшісі.

Ұқсас жаңалықтар

Облыс диқандары биыл су тапшылығына қарамастан өз деңгейінде егін екті. Нәтижесінде өткен жылғы деңгейде өнім алуға қол жеткізілді.

«Егін жинау науқанына шаруашылықтар меншігіндегі 4266 ауыл шаруашылығы техникасы қатысты. Бүгінгі күні егілген 83 570 гектар күріш көлемі толық жиналып, орта өнімі 59,8 центнерден айналды. Күзгі егін жинау науқанының аяқталуына байланысты 22-23 қазан күндері жылдағы дәстүр бойынша «Алтын дән-2021» шарасы өткізіледі. Облыс диқандары ел Тәуелсіздігінің 30 жылдығы қарсаңында жоғары өнім алуға қол жеткізді. Өндіріс озаттары 22 қазан күні «Алтын дән-2021» шарасы аясында марапатталады. Сондай-ақ, 23 қазанда сағат 8:00-ден бастап барлық ауданның қатысуымен Қызылорда қаласында ауыл шаруашылығы өнімдерінің жәрмеңкесі ұйымдастырылады», - деді облыстық ауыл шаруашылығы басқармасының басшысы Талғат Дүйсебаев.

Жәрмеңкеде барлығы 340 көлікпен жеткізілген 1044 тонна ауыл шаруашылығы өнімдері нарық бағасынан 15-20 пайыз төмен бағада сатылады.

Осы күні қалалық ипподромда ұлттық ат спорты түрлерінен бәйге жарыстары өткізіледі.

Еске салсақ, Қызылордада азық-түлік тауарларының бағасын тұрақтандыруға назар аударылды.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT