Қызылорда облысында қонақүй иесін өлтірген күдікті қолға түсті

2022 жылғы 1 қазан, 01:07
Қызылорда облысында қонақүй иесін өлтірген күдікті қолға түсті

ҚЫЗЫЛОРДА. ҚазАқпарат - Қызылорда облысында қонақүй иесін өлтірген күдікті қолға түсті, деп хабарлайды ҚазАқпарат тілшісі.

Шиелі аудандық полиция бөліміне 29 қыркүйекте ауылдағы қонақүйлердің бірінде оның иесінің дене жарақаты бар мәйіті табылғаны туралы хабарлама түскен.

«Полиция қызметкерлері тарапынан жүргізілген жедел-іздестіру жұмыстарының нәтижесінде аталған қылмысты жасады деген күдікпен облыста тұратын 25 жастағы тұрғын ұсталды. Одан айғақ заттар алынды. Қазіргі таңда күдікті уақытша ұстау изоляторына қамалды», - деп мәлім етті Қызылорда облыстық полиция департаментінен.

Ведомство мәліметінше, аталған дерек бойынша ҚР Қылмыстық кодексінің 99-бабының 1-бөлігімен тергеп-тексеру әрекеттері басталып, тиісті сараптамалар тағайындалды.

Еске салсақ, бұдан бұрын Байқоңырда 64 жастағы тұрғын белгісіз жағдайда суға батып кетті.


Ұқсас жаңалықтар
Серіктестер жаңалықтары

Jańalyqtar