+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қызылорда облысында Қарлаң көпірін салу мәселесі оң шешімін табатын болды

2021 жылғы 22 шілде 23:38
Бөлісіңіз:
Қызылорда облысында Қарлаң көпірін салу мәселесі оң шешімін табатын болды

ҚЫЗЫЛОРДА. ҚазАқпарат - Қызылорда облысында 10 мыңға жуық адамның жол қатынасын жақсартатын Қарлаң көпірін салу мәселесі оң шешімін табатын болды, деп хабарлайды ҚазАқпарат тілшісі.

Ұқсас жаңалықтар

Аталған көпір Қазалы ауданының аумағында орналасқан. Қазір Қарлаң учаскесіндегі Сырдария өзені арқылы көпір салу жобасының мемсараптама қорытындысы алынды.

Жобаның жалпы сметалық құны - 4,4 млрд теңге. Жобаны ҚР Ұлттық экономика министрлігі арқылы қаржыландыру мақсатында бюджеттік ұсыным әзірленіп жатыр.

Айта кетейік, «Қазалы-Қожабақы-Бозкөл-Кәукей» автомобиль жолындағы жоспарланған көпір құрылысы 11 елді мекеннің байланысын арттырмақ.

Олардың қатарында аудан орталығы - Әйтеке би кенті мен Қазалы қаласын, Өркендеу, Бірлік, Қожабақы, Аранды, Бозкөл, Ажар, Тасарық және Кәукей елді мекендері бар.

Көпір құрылысы аяқталса, шекаралас жатқан Өзбекстан мемлекетімен сауда-саттық қарым-қатынасы жақсарады.

Оған қоса Сырдария өзінінің арғы бетіндегі егін және балық шаруашылығын дамытуға оң септігін тигізеді.

Биыл Қазалы аудандағы жолдардың сапасы да едәуір жақсарған.

Аудан әкімі Мұхтар Оразбаевтың айтуынша, бір жыл ішінде аудандық маңызы бар 64 шақырым мен елді мекенішілік 33 көше жөнделмек.

Сондай-ақ, 18 көше пайдалануға беріледі. Осыдан 3 жыл бұрын басталған Кәукей ауылына баратын автомобиль жолын аяқталмақ.

Ал, Қарлаң көпірінен Қожабақыға дейінгі, Қазалы қаласы мен Әлсейіт көпіріне дейінгі жолдар да жөнделмек.

Еске салсақ, Қызылорда облысында жол желісін дамыту жақсара түсті.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT