Қызылорда облысы ТЖД қазақстандықтарды жалған ақпаратқа сенбеуге шақырды

ҚЫЗЫЛОРДА. ҚазАқпарат – Қызылорда облысы Төтенше жағдайлар департаменті желіде тараған алаяқтық туралы хабарлады.

«Қызылорда облысы Төтенше жағдайлар департаменті жүргізетін барлық іздеу-құтқару шараларына қаражат мемлекеттен қаралған. ​Сондықтан да төменде көрсетілген алаяқтардың жалған ақпараттарына сенбеулеріңізді, сонымен бірге тексерілмеген ақпараттарға алданбауларыңызды сұраймыз.

​ҚР Қылмыстық Кодексінің 190-бабына сәйкес алаяқтық жасағандығы үшін қылмыстық жауапкершілік көзделгенін ескертеміз», - делінген хабарламада.