Қолданушы баптаулары
Қолданушы баптаулары
+7 (701) 759 90 19 Лента
USD 382.38 EUR 428.30
RUB 5.97 CNY 55.39
Jańalyqtar

Қызылорда облысы әкімдігінде үш басқарма басшысы тағайындалды

2019 жылғы 22 қаңтар 14:30 1125
Бөлісіңіз:
Қызылорда облысы әкімдігінде үш басқарма басшысы тағайындалды

ҚЫЗЫЛОРДА. ҚазАқпарат - Қызылорда облысында үш басқарманың басшысы тағайындалды, деп хабарлайды облыс әкімдігінің баспасөз қызметі. 

Ұқсас жаңалықтар
ҚР Президентінің Жарлығымен Алматы, Шымкент қалалары мен бірқатар облыс әкімдері тағайындалды Тоқаев: Мемлекеттік күзет қызметі - төтенше маңызды ұйым

Облыс әкімінің өкімімен «Қызылорда облысы әкімдігінің іс басқармасы» коммуналдық мемлекеттік мекемесінің директоры лауазымына Абсұлтанов Қайрат Байғабылұлы тағайындалды.
Қызылорда облысы әкімдігінде үш басқарма басшысы тағайындалды 

Қ. Абсұлтанов 1977 жылы туған. Қазақ мемлекеттік аграрлық университетін «Мал өнімін өндіру технологиясы» және «Болашақ» университетін «Қаржы» мамандықтары бойынша бітірген.

Еңбек жолын 1994 жылы «Бозгүл» жауапкершілігі шектеулі серіктестігінде жұмысшы ретінде бастаған.

2000-2010 жылдары жеке және қаржы секторларында, сондай-ақ мемлекеттік қызмет саласында жауапты басшылық қызметтер атқарған.

2010-2017 жылдары Қызылорда қаласы тұрғын үй-коммуналдық шаруашылық және тұрғын үй инспекциясы бөлімінің сектор меңгерушісі, бөлім басшысы.

2017 жылдың қыркүйек айынан бастап осы кезге дейін Қызылорда облысының жолаушылар көлігі және автомобиль жолдары басқармасы басшысының орынбасары қызметін атқарып келді.

Сондай-ақ облыс әкімінің өкімімен Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы лауазымына Абатов Жасұлан Уәлиұлы тағайындалды.
Қызылорда облысы әкімдігінде үш басқарма басшысы тағайындалды 

Ж. Абатов 1979 жылы туған. Қазақстан Республикасы Тергеу комитетінің Алматы жоғарғы тергеу мектебін «Заңгер» мамандығы бойынша бітірген.

Еңбек жолын 1999 жылы Қызылорда облысының ішкі істер органдарында тергеуші болып бастаған.

2004-2013 жылдары Кеден органдары мен жеке секторда жауапты басшылық қызметтер атқарған.

2013-2016 жылдары «Қызылорда облысы әкімдігінің іс басқармасы» коммуналдық мемлекеттік мекемесінде топ басшысы, директордың орынбасары.

2016 жылдан бастап осы кезге дейін «Қызылорда облысы әкімдігінің іс басқармасы» коммуналдық мемлекеттік мекемесінің директоры қызметін атқарып келді.


Сондай-ақ облыс әкімінің өкімімен Индира Сансызбайқызы Ақжігітова Қызылорда облысының цифрлық технологиялар басқармасының басшысы лауазымына тағайындалды.

И.Ақжігітова 1973 жылы дүниеге келген. 1994 жылы Қорқыт Ата атындағы Қызылорда мемлекеттік университетін «Физика және информатика» және 2009 жылы Қазтұтыну одағының Қарағанды экономикалық университетін «Есеп және аудит» мамандықтары бойынша бітірген.
Қызылорда облысы әкімдігінде үш басқарма басшысы тағайындалды

Еңбек жолын 1996 жылы Қызылорда политехникалық институтының физика және электротехника кафедрасының ассистенті ретінде бастаған. 2001-2005 жылдары «Облыстық білім берудің жаңа технологиялар мен информатизациялау орталығы» МҚК - ның директоры, 2005-2007 жылдары Қызылорда облысының экономика және бюджеттік жоспарлау департаментінің мемлекеттік аппарат және құқық қорғау органдары бөлімінің программисті, бас маманы, 2007 - 2017 жылдары облыс әкімі аппаратының электронды әкімдікті дамыту және мемлекеттік қызметтердің мониторингі бөлімінің басшысы қызметтерін атқарған.

2017 жылдан бастап осы кезге дейін Қызылорда облысы әкімі аппараты басшысының орынбасары лауазымында қызмет атқарып келді.

 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT