Қызылорда қаласында көшеде атыс болды

None
None
ҚЫЗЫЛОРДА. ҚазАқпарат - Қызылорда қаласындағы шағынаудандардың бірінде 29 шілде түнде атыс болды, деп хабарлайды ҚазАқпарат тілшісі.

Мәлім болғандай, оқиға 29 шілде түнгі сағат 22.30 шамасында облыс орталығындағы «Шұғыла» шағынауданында болған.

Тұрғындар көшеден атыс дауысын естіген.

Бұл жөнінде облыстық полиция департаменті баспасөз қызметі төмендегіше түсініктеме берді.

«Аталған дерек бойынша ҚР Қылмыстық кодексінің 293-бабының 3-бөлігіндегі 2-тармағы (Бұзақылық) бойынша сотқа дейінгі тергеп-тексеру амалдары басталды. Оқиғаның мән-жайы анықталып жатыр», - деп мәлім етті департаменттен.

Еске салсақ, бұдан бұрын Қызылордада бүлдіршін қызға азғындық әрекет жасады деген күдікпен ер адам ұсталған еді.

Соңғы жаңалықтар