«Қызыл» аймақтағы Атырау облысында 92 адам коронавирус жұқтырды
2021 жылғы 9 қаңтар 15:15

«Қызыл» аймақтағы Атырау облысында 92 адам коронавирус жұқтырды

АТЫРАУ. ҚазАқпарат – «Қызыл» аймақтағы Атырау облысында тағы 92 адам коронавирус жұқтырды, деп хабарлайды ҚазАқпарат.

Атырау облыстық денсаулық сақтау басқармасының баспасөз қызметі таратқан ақпаратқа қарағанда, өткен тәулікте коронавирус жұқтырған науқастардың арасында Атырау қаласынан 24 адам бар.

Теңіз кенішінде - 57 жұмысшыдан, Құрманғазы ауданында - 11 адамнан Сovid-19 анықталған. Оның ішінде 14 науқаста қауіпті вирустың симптомдары табылған.

«Өткен тәулікте 134 адам қауіпті індеттен жазылып шықты. Қазір 240 адам үй жағдайында емделуде. Облыстық инфекциялық стационарда 98, ал аудандардағы стационарларда 27, Теңіз кенішіндегі стационарда 803 адам ем қабылдап жатыр» -деп хабарлады басқарманың баспасөз қызметінен.

Еске сала кетелік, бұдан бұрын Атырауда Теңіз кеніші мен барлық ауданда коронавирус жұқтырғандар анықталған еді.


Автор:
Тілші

Jańalyqtar

MURAǴAT