+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Қыз алып қашқандар 7 жылға бас бостандығын шектеу жазасына кесілді

2020 жылғы 23 қаңтар 17:10
Бөлісіңіз:
Қыз алып қашқандар 7 жылға бас бостандығын шектеу жазасына кесілді

ТАЛДЫҚОРҒАН.ҚазАқпарат - Алматы облысында достарына қалыңдық алып қашамыз деп бастары дауға қалған төрт ауылдасқа қатысты сот шешімі шығып, олардың ұзақ мерзімге бас бостандығы шектелді, деп хабарлайды ҚазАқпарат тілшісі.

Ұқсас жаңалықтар
Тоңазытқышта өлген сәби оқиғасы: Үшінші дәрігер ұсталды Елордадағы әкімшілік соттың судьялары үш есе артық жұмыс істеуде Қарағанды облысының соттарында тағы 10 фронт-кеңсе ашылады

Алматы облыстық Полиция департаменті баспасөз қызметінің мәліметінше, оқиға 2019 жылдың мамыр айында болған. Сарқан ауданының 22 жастағы тұрғыны үйлену мақсатында өзінің ескі танысын алып қашуды жоспарлаған. Алып қашу операциясына ауылдас достарын шақырған. Барлығы қалыңдықтың келісімімен іске асатынына сенімді достары оған қарсы бомааған.

Дегенмен, Сарқан қаласынан қалыңдықты алып қашу барысында қыз бен үйленуші жігіттің арасында ешқандай сөз байласудың жоқ екені белгілі болады. Шаңырақ көтеруге асыққан достары қалыңдығын жеткізіп беріп, өздері үйлеріне кетеді. Еркінен тыс әкелген қалыңдықты жергілікті учаскелік полиция инспекторы құтқарып, үйіне аман-есен жеткізген.

«Сарқан ауданының полициясына еркінен тыс адам ұрлау дерегі бойынша хабар түсті. Айтқан уәждерін тыңдамаған жігіттердің жібермейтінін түсінген қалыңдық амалын тауып, ішкі істер органдарына хабар береді. Зардап шегуші тарапынан полицияға арыз түсті. Дерек бойынша ҚР Қылмыстық кодекстің 125-бабына сәйкес іс қозғалып, қылмыстың мән-жайы анықталды»,- деп хабарлады облыстық ПД баспасөз қызметі.

Жақында Сарқан ауданының соты «сүйіктісін» алып қашқан әрекеті сәтсіз шыққан 22 жастағы тұрғын мен оның заңсыз әрекетіне қолдау берген үш досы қылмыс жасағандығы үшін кінәлі деп танылып, жеті жыл бас бостандығын шектеу жазасына кесілді.

Сот шешімі заңды күшіне енді.


Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT