Қытайлық әйел боран салдарынан Гуанчжоу-Ухань рейсінің жалғыз жолаушысы болды

АСТАНА. ҚазАқпарат - Чжан есімді қытайлық турист әйел Гуанчжоу-Ухань рейсінің жалғыз жолаушысы болды. Fox News-тің хабарлауынша, бұл жағдай China Southern Airlines компаниясының иелігіндегі ұшақтың ұшуы боран салдарынан бірнеше сағат кейінге қалдырылып, Чжанның жолдағы серіктері басқа, бұған дейінгі рейстермен кетуінен кейін орын алған.

Турист әйел өзінің ұшуы туралы Weibo әлеуметтік желісінде баяндап, хабарламасына бірнеше сурет қосты. «Мен ұшақта жалғызбын! Иә! Тек мен ғана жолаушы! Және ұшақтың командасы бар!», - деп жазды Чжан.

Гуанчжоу провинциясында қардың мол түсуінен көптеген рейстердің кешіктірілгені хабарланып отыр. Атап айтқанда, Чжан өз ұшағына отыру туралы хабарламаны 10 сағат күткен. Қытайлық жаңа жылда (ақпанның 7-нен 8-не қараған күні) үйлеріне жетуге асыққан өзге жолаушылар басқа рейстерге отырды.