Қытайдың оңтүстігінде көпір опырылды, қаза тапқандар саны белгісіз

ГУАНЧЖОУ. ҚазАқпарат - Қытайдың Хэюань қаласы Юаньчэн ауданында (Оңтүстік Қытай, Гуандун провинциясы) орналасқан Дунцзян көпірі учаскесінде 14 маусымда 02:12-де көпір опырылып, салдарынан кем дегенде екі жеңіл көлік суға құлады, деп хабарлайды Синьхуа агенттігі.

Қазіргі уақытта бір адам құтқарылды, зардап шеккендер мен қаза тапқандар саны белгісіз. Оқиға орнында іздестіру-құтқару операциясы жүріп жатыр.

Өткен аптада толассыз жауған жаңбыр салдарынан Гуандун провинциясының бірқатар аудандарында су тасқыны болды. Солардың арасында Хэюань қаласы қатты зардап шекті.