19:43, 25 Наурыз 2017 | GMT +6
Қытайдың оңтүстігінде электр станциясы құлап, 9 адам қаза болды
АСТАНА. ҚазАқпарат - Қытайдың оңтүстігінде орналасқан Гуанчжоу қаласының Цунхуа округінде жаңа салынып жатқан жылу электр станциясы құлады. Бұл туралы «Синьхуа» агенттігіне сілтеме жасап Lenta.ru хабарлайды.
Оқиғаның салдарынан 9 адам құрбан болып, тағы екі адам зардап шекті. Қазіргі таңда онда құтқару жұмыстары жүріп жатыр. Қирандылардың астында қалған адамдардың нақты саны белгісіз.
Оқиғаның мән-жайы анықталуда.
24 қараша күні жергілікті уақыт бойынша сағат 07-00-дер шамасында елдің шығысында орналасқан Цзянси провинциясында құрылысы жүріп жатқан электр станциясының салқындатқыш мұнарасы құлады. Соның салдарынан 74 адам құрбан болып, тағы екі құрылысшы жарақат алды.