Қытайдың халық құрылтайындағы үкімет есебінде Қазақстан туралы айтылды
«Өндірістік қуаттылықтар саласында Қытай тиісті тетіктерді қалыптастырудың негізінде Қазақстан, Эфиопия, Бразилия және басқа 14 елмен екіжақты халықаралық ынтымақтастықты құрды», - деп атап өтіледі құжатта.
2016 жылға белгіленген негізгі міндеттердің арасында басты елдермен маңызды өнеркәсіп өндірістеріне қатысты өндірістік қуаттылықтар саласындағы ынтымақтастық жобаларының банкін құру аталып өтілген.
«Провинциялар мен автономдық аудандардың, басты елдермен жетекші кәсіпорындардық ынтымақтастық тетігін құрып, жетілдіру, күрделі қауіп-қатерлерді басқару тетігін жақсарту», - делінген баяндамада.
Елдің жоғары заң шығарушы органы - Бүкілқытайлық халық өкілдері құрылтайының жыл сайынғы сессиясы Қытайда жылдың ең маңызды ішкі саяси оқиғасы болып есептеледі. Үкімет жұмысының есебін тыңдаған 3 мыңға жуық депутат ел бюджетін қабылдап, елдің 2016-2020 жылдары әлеуметтік-экономикалық дамуының векторын анықтайтын 13-ші бесжылдықтың жобасын талқылайды.