Қытайдағы нөсер жаңбыр: 70 мың адам қауіпті аймақта қалды

БЕЙЖІҢ. Синьхуа-ҚазАқпарат – Орталық Қытайдың Хунань провинциясында 70 мыңнан астам адам қатты нөсер жаңбыр мен ірі су тасқыны пайда болу қаупі салдарынан қауіпті аймақта қалып қойды. Бұл туралы сенбі күні Синьхуа агенттігі мәлім етті, деп хабарлайды ҚазАқпарат.

Агенттік мәліметінше, өңірдің 18 қаласы мен ауданында нөсер жаңбыр жауған. Құтқару қызметі 1,8 мың тұрғынды эвакуациялады. Жергілікті метеорологиялық қызметтің хабарлауынша, кей өзендерде су деңгейі 1-6 м-ге дейін көтерілген.

Провинция әкімшілігі тұрғындарға ірі су қоймаларының жанына және ылди жерлерге жоламауға кеңес береді. Төтенше жағдайларға дереу жауап беру жедел қызметі ең қауіпті жерлерді бақылауға алды. Сонымен бірге табиғи апаттың алдын алу жұмыстары жүргізілуде.