Қолданушы баптаулары
Қолданушы баптаулары
+7 (701) 759 90 19 Лента
USD 378.38 EUR 431.05
RUB 6.02 CNY 55.00
Jańalyqtar

Қытайдағы құрылтайға 250-ден астам қазақстандық студент қатысты

2019 жылғы 1 маусым 17:07 628
Бөлісіңіз:
Қытайдағы құрылтайға 250-ден астам қазақстандық студент қатысты

БЕЙЖІҢ. ҚазАқпарат - Бүгін Бейжіңнің Чанпин ауданындағы мұнай университетінде Қытайдағы қазақстандық студенттер қауымдастығының (KSAC) 8-құрылтайы басталды, дап хабарлайды ҚазАқпарат тілшісі.

Ұқсас жаңалықтар
2019 жылы жастарға қанша пәтер беріледі Алматыда жасампаз жастардың жаңа коворкинг-орталығы ашылды

«Қазақстанның экономикалық-әлеуметтік дамуына жастардың қосатын үлесі» атты құрылтай тақырыбын талқылауға Қытайдың 17 қаласында оқитын 250-ден астам студент қатысты. Оның тең жартысы Қытай астанасында оқыса, қалған жартысы  Шанхай, Нанкин, Сиан, Ханчжоу, Далян, Ухан, Чунцин, Чанчжоу, Сучжоу, Чжэньцзян, Гуанчжоу, Үрімші, Харбин, Тайюан, Тяньцзин, Ланьчжоу қалаларында білім алып жатыр.
Қытайдағы құрылтайға 250-ден астам қазақстандық студент қатысты

Құрылтайдың ашылу салтанатында Қазақстан елшісі Шахрат Нұрышев, Қытай мұнай университетінің проректоры У Сяолинь,  KSAC ұйымының төрайымы Нұргүл Макұлбек сөз сөйледі.
Қытайдағы құрылтайға 250-ден астам қазақстандық студент қатысты

«Елшілік Қытайда оқыған жастардың тәлімгерліктен өтіп, оқудан кейін жұмысқа орналасуына баса мән береді. Былтырдан бері Қазақстанда инвестициялық жобаларды іске асырушы қытайлық компаниялармен бірлесіп, «бос орындар жәрмеңкесін» өткізуді қолға алдық. «Нұрлы жол» жаңа экономикалық саясаты мен Жібек жолы экономикалық белдеуінің қиылысы аясында біздің елде 55 кәсіпорын ашылып, 27 млрд доллар инвестиция құйылды. Бұл болашақта 20 мыңнан астам жұмыс орнын ашуға мүмкіндік береді. Аталмыш жұмыс орындарының көбі қытай тілін білуді қажет ететіні анық», - деді Қазақстан елшісі.
Қытайдағы құрылтайға 250-ден астам қазақстандық студент қатысты

Ол сондай-ақ, Қытайдың шетелдегі кәсіпорындарды дамыту қауымдастығымен (CODA - China Overseas Development Association)  бірге «бос орындар жәрмеңкесін»  ұйымдастыру тәжірибесі дәстүрлі шараға айналады деген үміт білдірді.

«Бүгінгі құрылтай аясында өткен «жәрмеңкенің» арқасында жастар тәлімгерліктен өтіп, жұмысқа орналасуға мүмкіндік алады», - деді  Шахрат Нұрышев.

Салтанатты шара барысында Шахрат Нұрышев қауымдастықтың жұмысына белсенді атсалысқан Аққалбек Тағабергеновке (Ханчжоу), Нұртас Исабекке (Шанхай), Аян Үсіпәліге (Тяньцзинь), Тимур Көшербаевқа (Нанкин), Еркін Дәлелханға (Ланьчжоу), Әділхан Дүйсембаевқа, Азиза Лескенге, Әсел Қожағұлға, Жансая Токишеваға, Салтанат Доспановаға және Дәулет Жақсыбекке (Бейжің) грамота табыстады.
Қытайдағы құрылтайға 250-ден астам қазақстандық студент қатысты
Қытайдағы құрылтайға 250-ден астам қазақстандық студент қатысты

Айта кетсек, Қытайдағы қазақстандық студенттердің құрылтайын өткізу Қазақстанның Қытайдағы Елшілігі мен ҚР білім және ғылым министрлігінің халықаралық бағдарламалар орталығының бастамасымен жолға қойылған. «Kazakhstan Students Association in China» (KSAC) деген аты бар қауымдастық 2013 жылғы екінші Құрылтайда құрылған болатын. Қазір оның құрамына 10 мың қазақстандық студент кіреді.  Өткен жылы аталмыш құрылтай Ханчжоу қаласында өтті.

 

 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Кожакелдиев Е.
Кожакелдиев Е.
954-059
MURAǴAT