+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қытайда жыл басынан бері алғаш рет бір тәулікте ешкім коронавирус жұқтырмады

2021 жылғы 8 ақпан 18:01
Бөлісіңіз:
Қытайда жыл басынан бері алғаш рет бір тәулікте ешкім коронавирус жұқтырмады

БЕЙЖІҢ. ҚазАқпарат – Қытайда 2021 жыл басталғалы алғаш рет бір тәулікте бір де бір адам коронавирус инфекциясын жұқтырмаған. Бұл туралы дүйсенбі күні ҚХР Гигиена және денсаулық сақтау мәселелері бойынша мемлекеттік комитеті мәлімдеді, деп хабарлайды ҚазАқпарат тілшісі.

Олардың мәліметінше, Қытайдың медицина мекемелерінде әлі вирус жұқтырған 277 науқас ем алып жатыр.

Жалпы шет елден келген, инфекцияға шалдыққандар саны 4804-ке жетті, оның 4527-і жазылып шықты.

Статистика бойынша, ҚХР құрлық бөлігінде вирус жұқтырғандардың 93,58% жазылған.

Инфекцияға шалдыққандар саны – 89,7 мыңнан асты, өлім көрсеткіші - 5,16% (4,6 мыңнан аса адам қайтыс болды).

Қазіргі күні инфекцияға шалдыққандармен тығыз байланыста болған 27,6 мың тұрғын медицина қызметкерлерінің бақылауында.

Өткен тәулікте Қытай билігі еш белгісі жоқ 16 вирус тасымалдаушыны анықтады, оның 15-і шетелден келген.

Қытай үкіметі симптомсыз тасымалдаушыларды жалпы статистикаға қоспайды және бөлек бағанда көрсетеді.

Жалпы 639 симптомсыз науқасты медицина қызметкерлері бақылап отыр, оның 291-і шетелден келген.

Еске сала кетсек, 2020 жылдың желтоқсанының екінші бөлігінде Қытайдың оңтүстік-батысындағы Сычуань провинциясында, содан кейін Хэбэй, Хэйлунцзян, Цзилинь және Қытайдың солтүстік-шығысындағы басқа да аймақтарында COVID-19 ошақтары анықтала бастады.

Жергілікті БАҚ хабарлауынша, қыс кезінде елде жалпы 2071 жергілікті жұқтыру оқиғалары тіркелген.

Қытай медицина сарапшыларының айтуынша, коронавирус жұқтыру оқиғаларының азаюына Қытай аймақтарында қабылданған қатаң санитария-эпидемиялогиялық шаралар және шетелден келген және тауар импорттайтын адамдарға қатысты ережелер себеп болды.


Біздің каналымызға жазылыңыз:

Бөлісіңіз:

Автор:

Балнұр Қожагелді

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT