Қытайда пышақпен қаруланған қаскөй 9 адамды жаралаған

АСТАНА. ҚазАқпарат - Қытайдың Наньнин қаласында (ҚХР Гуанси-Чжуан автономды ауданының әкімшілік орталығы) пышақпен қаруланған ер адам тоғыз адамды жаралады. Бұл туралы Синьхуа агенттігіне сілтеме жасап ТАСС хабарлайды.

Оның мәліметтерінше, бұл азамат адамдарға қаладағы супермаркеттердің бірінің қасында шабуылдаған. Полиция қызметкерлерінің қолына да ол сол жерде түскен.

Зардап шегушілер ауруханаға жеткізілді. Құқық қорғау органдары қылмыскердің мұндай әрекеттерге баруына не себеп болғанын анықтау үстінде.