+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қытайда нөсер жауыннан кейін қаланы су басып, 25 адам көз жұмды

2021 жылғы 21 шілде 23:48
Бөлісіңіз:
Қытайда нөсер жауыннан кейін қаланы су басып, 25 адам көз жұмды

ЧЖЭНЧЖОУ. Синьхуа-ҚазАқпарат - Қытайдың Хэнань провинциясында нөсер жаңбырдан қаза тапқандар саны 25-ке жетті, деп хабарлайды ҚазАқпарат Синьхуа агенттігіне сілтеме жасап.

Хэнаньдағы (Орталық Қытай) нөсер жауыннан кейін 25 адам мерт болды, тағы 7 адам із-түзсіз жоғалып кеткен.

Бұл жайында жергілікті билік сәрсенбі күні кешкісін өткізген баспасөз мәслихатында мәлім етті.

«Өңірде 16 шілдеден бері жаңбыр құйып тұр. Одан 1,24 миллионнан астам адам зардап шеккен. Провинцияда тұратын шамамен 164 710 адам қауіпсіз жерге эвакуацияланды»,- деп хабарлады баспасөз конференциясында Хэнань провинциясының су тасқыны және құрғақшылықпен күрес жөніндегі штабының кеңсе бастығы Сюй Чжун.

Біз бұған дейін Қытайдың Чжэнчжоу қаласында нөсер жаңбыр салдарынан көлік қатынасы тоқтап, электр қуатының жұмысы бұзылғанын хабарлаған болатынбыз.

Су деңгейі қатты көтерілгендіктен қаладағы жол қозғалысы тежелген. 80-нен астам автобус маршрутының қозғалысы уақытша тоқтатылған, метро да жүрмейді.

Нөсер салдарынан қаланың бірнеше ауданы сусыз және электр жарығынсыз қалды.

Біздің каналымызға жазылыңыз:

Бөлісіңіз:

Автор:

Жанат Қапалбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT