17:26, 03 Ақпан 2016 | GMT +6
Қытай швейцариялық Syngenta компаниясын 43 млрд. долларға сатып алмақ
АСТАНА. ҚазАқпарат - ҚХР-ның ChemChina мемлекеттік химия компаниясы пестицидтерді шығаратын швейцариялық Syngenta компаниясын қытайлық компаниялар үшін рекордтық сома - 43 млрд. долларға сатып алмақ.
Syngenta-ның хабарлауынша, директорлар кеңесі өз акционерлеріне Қытаймен мәміле орнатуға ұсыныс жасаған.
Мәміле ағымдағы жылдың соңына дейін аяқталуы тиіс. Ал әзірге Syngenta-ның басшылығында ешқандай өзгерістер жүргізу жоспарланбай отыр, деп хабарлайды Би-би-си.