Қытай мен ЕАЭО елдерінің кедендік қызметтері арасындағы ақпараттық алмасу туралы келіссөздердің үшінші раунды аяқталды
22:18, 28 Тамыз 2015
МӘСКЕУ. ҚазАқпарат - 2015 жылдың 25-27 тамыз күндері аралығында Иркутск қаласында Еуразиялық экономикалық одақ (ЕАЭО) және Қытай Халық Республикасының кедендік шекаралары арқылы өткізілетін халықаралық тасымалдау тауарлары мен көліктік құралдарын алмасу туралы келісім орнату келіссөздерінің үшінші раунды болып өтті. Бұл туралы Еуразиялық экономикалық комиссияның баспасөз қызметінен хабарлайды.
Еуразиялық экономикалық одақ делегациясының құрамында келіссөздерге Еуразиялық экономикалық комиссия департаменттерінің қызметкерлері мен ЕАЭО-қа мүше-мемлекеттердің кедендік органдарының өкілдері болды.
Келіссөздердің алдыңғы раундтарында қол жеткізілген келісушіліктерге сәйкес, ҚХР-ның Бас кеден басқармасы Келісімге қол қойылған соң ЕАЭО елдерінің кедендік органдарына Қытайдан ЕАЭО-ға шығарылатын тауарлар туралы ақпарат ұсынатын болады. Өз кезегінде, ЕАЭО кедендік органдары Қытайдағы әріптестерімен Еуразиялық «бестіктен» Қытайға шығарылатын тауарлар туралы ақпарат беріп отырады.