Қытай мегаполисінде газ жарылып, 20-дан астам адам зардап шекті
2022 жылғы 22 маусым 20:45

Қытай мегаполисінде газ жарылып, 20-дан астам адам зардап шекті

БЕЙЖІҢ. ҚазАқпарат – Қытайдың солтүстігінде Тяньцзинь қаласында газ жарылып, 23 адам зардап шекті. Оқиға сейсенбі күні болған. Бұл туралы жергілікті төтенше жағдайлар бюросы мәлім етті, деп хабарлайды ҚазАқпарат меншікті тілшісі.

Апат сейсенбі күні Тяньцзинь порт мегаполисінің Баоди ауданында болған. Жарылыс салдарынан 23 адам түрлі дәрежедегі дене жарақатын алған.

Жергілікті БАҚ-тың хабарлауынша, ауыр халде күйік шалған үш адам ауруханаға жеткізілген. Жеңіл жарақат алған 15 адам дәрігерлердің бақылауында. Қалған бесеуі медициналық мекемеден шығарылды.

Алдын ала мәліметтерге сәйкес, апатқа заңсыз құрылыс салдарынан газдың ағып кетуі себеп болған.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT