Қытай күнделікті коронавирус деректерін жариялауды тоқтатты

ПЕКИН. ҚазАқпарат - Қытай Халық Республикасының Денсаулық сақтау істері жөніндегі мемлекеттік комитеті COVID-19 індеті туралы күнделікті ақпаратты жариялауды тоқтатты, деп хабарлайды ҚазАқпарат Синьхуа агенттігіне сілтеме жасап.

Қытай Халық Республикасының Ұлттық денсаулық сақтау комиссиясы жексенбіден бастап COVID-19 індеті туралы күнделікті ақпаратты жарияламайды. Тиісті ақпаратты Қытайдың ауруларды бақылау және алдын алу орталығы анықтама және зерттеу үшін шығарады. Бұл туралы комитеттің сайтында жарияланған хабарламада айтылған.

Комиссия мұндай ақпараттың қаншалықты жиі шығарылатынын нақтыламады. Бұл қадамның себептері де айтылмады.

Deutsche Welle хабарлауынша, Ауруларды бақылау және алдын алу орталықтары бір күн бұрын материктік Қытайда коронавирустық өлім тіркелмегенін мәлімдеді.

Коронавирустың омикрондық нұсқасы қазір Қытайда өршіп тұр. Осыған қарамастан, ҚХР үкіметі ковидке нөлдік төзімділік саясатынан бас тартты және халықты тестілеудің қатаң ережелері мен саяхатқа шектеулерді алып тастады. Көптеген қытайлықтар бұл қадамды құптады.

Бір күн бұрын Қытайда бейресми ішкі есептеріне сәйкес, желтоқсанның алғашқы үш аптасында 248 миллион адам немесе ел халқының 18%-ы ауру жұқтырған.

Бейжіңде COVID жағдайларының күрт өсуі кезінде кейбір спорт залдары безгегі бар науқастарды қабылдау үшін уақытша палаталарға айналдырылды.

Қытайдың кем дегенде 10 ірі мегаполисінің билігі қоғамдық көлікте жүру үшін COVID-19 сынақтарын тексеру талабын алып тастағаны белгілі.

Қытай жаппай наразылықтардан кейін ковид шектеулерін жеңілдетуде.

30 қарашада Қытай билігі қарт адамдарды COVID-19-ға қарсы екпе алуға шақырып жатқаны хабарланды.