Қытай қазағы Тоқтарбек Таңатхан әлем чемпионатының финалына шықты

АСТАНА. ҚазАқпарат - Ташкентте ерлер арасында өтіп жатқан бокстан әлем чемпионатында Қытай қазағы Тоқтарбек Таңатхан финалға шықты, деп хабарлайды ҚазАқпарат тілшісі.

Тоқтарбек Таңатхан 80 келіге дейінгі салмақта испаниялық, түбі ресейлік Газимагомед Джалидовке қарсы келді.

Тартысты өткен бәсекеде қытайлық боксшы төрешілердің басым даусымен жеңіске жетті.

Еске сала кетейік, бүгін Қазақстан құрамасынан Санжар Тәшкенбай, Махмұд Сабырхан, Дулат Бекбауов және ұлттық құрама капитаны Асланбек Шымбергеновтің әлем чемпионатының финалына өткенін, осылайша алтынға таласатынын жазған болатынбыз.