Қытай аумағында жол жүруге рұқсат енді өткізу пунктерінде онлайн беріледі

АСТАНА. ҚазАқпарат – Қазақстандық тасымалдаушылар мемлекеттік шекарадан өту кезінде «шетелдік рұқсат бланкісін» немесе «рұқсат беру» деп аталатын рәсімдеуге мүмкіндік алды. Бұл жоба пилоттық режимде 2024 жылдың наурызына дейін және тек Қытайға тасымалдауға қатысты басталды, деп хабарлайды ҚазАқпарат Мемлекеттік кірістер комитетінің баспасөз қызметіне сілтеме жасап.

Осы құжаттарды беру бойынша «CarGoAlem» электрондық сервисі Qoldau цифрлық платформасында 26 сәуірде іске қосылды. Бұған дейін Qoldau платформасында «CarGoRuqsat» электронды кезек сервисі орналастырылған болатын. Онымен бірге, жаңа сервис тасымалдаушыларға қаржылық және уақытша ресурстарды үнемдеуге мүмкіндік береді. Егер бұрын компаниялар мұндай бланкілерді алдын ала алса, қазір «CarGoRuqsat»-та электронды кезекті бұрын иеленгендер және мемлекеттік шекарадан өту кезінде тікелей рұқсат алады. Бұл ретте, шекарадан өтуге арналған броньды рәсімдеу сатысында өтініш берушінің деректері онлайн режимде мемлекеттік органдар тарапынан форматты-логикалық бақылаудан өтеді.

Бұл – Индустрия және инфрақұрылымдық даму министрлігінің Көлік комитеті мен Қаржы министрлігінің Мемлекеттік кірістер комитетінің бірлескен жобасы. Сервисті әзірлеуші – «Ақпараттық есептеу орталығы» АҚ. Компания сонымен қатар, Qoldau цифрлық платформасының әзірлеушісі және иесі. Осы іс-шараларға мемлекеттік бюджеттен қаржы бөлінбеген.

Бұл ретте рұқсат беру жүйесін қолдану қағидаларының 25-тармағының талаптарына сәйкес (ҚР ИДМ 27.03.2015 жылғы №353 бұйрығы) алынған және пайдаланылған шетелдік рұқсаттар тасымалдаушының тіркелген жері бойынша көліктік бақылау инспекциясына қайтарылуға жатады.