Қытай аумағында тағы да 2 жер сілкінісі тіркелді

АЛМАТЫ. ҚазАқпарат – Төтенше жағдайлар министрлігі «Сейсмологиялық тәжірибе-әдістеме экспедициясы» Алматы уақытымен сағат кешкі 10-дар шамасында Қытай аумағында тағы да екі жер сілкінісін тіркеді, деп хабарлайды ҚазАқпарат.

«Жер сілкінісінің эпицентрі Алматы қаласынан оңтүстікке қарай 334 км және 575 қашықтықта, Қытай аумағында орналасқан. Энергетикалық класы – 8.0 және 7.3, ал MPV магнитудасы – 3.2 және 3.3. Сезілгені жайлы ақпарат (MSK-64 шкаласы бойынша) жоқ», - делінген хабарламада.

Еске салсақ, бүгін қазақстандық сейсмолгтар Қытай аумағында жер сілкінісін тіркеді.