Қолданушы баптаулары
Қолданушы баптаулары
+7 (701) 759 90 19 Лента
Астана: 19 °С
Алматы: 28 °С
USD 336.39 EUR 390.28
RUB 5.36 CNY 52.42
Жаңалықтар

Қысқы Олимпиадаға баратын спортшыларымыз допингтен таза - Мұсайбеков

2017 жылғы 7 желтоқсан 15:34 1700
Бөлісіңіз:
Қысқы Олимпиадаға баратын спортшыларымыз допингтен таза - Мұсайбеков

АСТАНА. ҚазАқпарат - Пхенчханда өтетін ХХІІІ Қысқы Олимпиада ойындарына баратын қазақстандық спортшылар допингтен таза. Бұл туралы бүгін Үкімет үйінде өткен баспасөз мәслихатында ҚР Мәдениет және спорт вице-министрі Сәкен Мұсайбеков айтты, деп хабарлайды ҚазАқпарат.

«1992 жылы Қазақстан бірауыздан, ескертпесіз Халықаралық Олимпиада комитетінің хартиясына қабылданды. Аталған хартияға сәйкес Олимпиада комитетінің  барлық ережелерін орындап келеміз. Сонымен қатар 2009 жылы Антидопингтік конвенция қабылданып, еліміздің Парламенті ратификациялады. Конвенцияға сәйкес біз допингпен күресуге тиіспіз. Жалпы, Қазақстан допингке қарсы мемлекет. Біздің басты мақсатымыз - таза спорт. Біз тек қана таза  спортты қолдаймыз. Біз тек қана таза спорт туралы ойлаймыз»,-  деді Мұсайбеков.

Оның айтуынша, осы уақытқа дейін Қазақстан спортшылары бірнеше мәрте допинг сынамасын тапсырып, ол Германияның  Дрезден қаласындағы зертханада бірнеше рет тексеруден өткен.

«Осы сынамалардың  нәтижесі жақсы, спортшылармыз таза. Соған қарамастан Ұлттық Олимпиада комитетінің президенті мен Мәдениет және спорт министрінің тапсырмасына сәйкес жолдама алған спортшылармыз Олимпиадаға дейін  тағы да допинг сынамаларын тапсырады. Біздің спортшыларымызға Олимпиадаға жол ашық. Ешқандай кедергі жоқ. Олимпиадаға тек қана таза спортшылар барады», - деді вице-министр.

 

 


Басты сөздер: Олимпиада, Спорт,
Бөлісіңіз:

Автор:

Марлан Жиембай

Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат