Қысқа дайындық барысы министрліктің жіті бақылауында - Қанат Бозымбаев
ҚР Энергетика министрі Қ.Бозымбаев жылыту маусымына дайындық барысының министрліктен бөлек Үкіметте екі рет қаралып талқыланғанын айтып өтті.
«Бүгінгі күні республикада электр энергиясын өндіру 74 млрд. КВт/сағ құрайды, тұтыну - 70 млрд. КВт/сағ. Бұл өткен жылғы деңгейден 6% жоғары», - деді министр.
Оның айтуынша, алдағы күзгі-қысқы кезеңге дайындық барысы министрліктің тұрақты бақылауында болады және 22 тамызда Қазақстан Республикасы Үкіметінің отырысында және 27 тамызда Премьер-Министрдің бірінші орынбасары А.Ұ.Маминнің төрағалық етуімен өткен кеңесте қаралды.
Бұдан басқа, Энергетика министрлігі Инвестиция және даму министрлігімен, әкімдіктермен және «KEGOC» АҚ, «ҚТЖ» ҰК» АҚ, «Самұрық-Энерго» АҚ, «ҚазТрансГаз» АҚ ұлттық компанияларымен бірлесе отырып ай сайын барлық энергетикалық кәсіпорындармен селекторлық кеңес өткізеді.
Бұған дейін хабарлағанымыздай, елімізде көмірмен қамтамасыз ету мақсатында арнайы штаб құрылды.