Қырғызстанмен және Ресеймен шекарада сауда-экономикалық орталықтар құрылады
«Басымдыққа ие экспорттық өнімдерді жеткізудің оңтайлы нұсқаларын жолға қою мақсатында біз Еуразиялық тауар өткізу жүйелерін және трансшекаралық хабтар құру жұмысын бастадық. Заманауи трансшекаралық сауда-логистикалық инфрақұрылымды дамытуда негізгі «өсім нүктесі» Қытаймен шекарадағы Қорғас торабы және Қазақстан-Өзбекстан шекарасындағы «Орталық Азия» халықаралық сауда-экономикалық ынтымақтастық орталығы болмақ. Дәл осынай орталықтар Қырғызстанмен және Ресеймен шекарада құрылады», - деді министр.
Оның атап өтуінше, Қазақстан аумағы арқылы өтетін халықаралық дәліздерде Шығыс-Батыс және Оңтүстік-Солтүстік белдеуінде тауларлар, жүктер мен қызметтердің үйлесімі қамтамасыз етіледі.
«Бұл ретте Еуразиялық даму банкі көрсетіп отырған Орталық Азия өңіріндегі сауда-логистикалық әлеуетті дамыту жөніндегі эксперттік-сарапшылық қолдауы аса құнды саналады», - деді Бақыт Сұлтанов.