18:47, 23 Наурыз 2019 | GMT +6
Қырғызстанға заңсыз бензин тасымалдамақ болған велосипедші ұсталды
АЛМАТЫ. ҚазАқпарат - Қырғызстан азаматы велосипедпен Қазақстаннан бензинді заңсыз тасымалдап бара жатқан жерінен ұсталды, деп хабарлайды ҚазАқпарат тілшісі.
«Қордайдағы Сортөбе авто шекара наряды Қырғыз республикасының 60 жастағы азаматын ұстады. Ол АИ-92 маркалі жанар-жағармайдың 30 литрін алып өтпек болған», - деді ҚР ҰҚК шекара қызметінің баспасөз қызметінен.
Өткен демалыста Сортөбе мен Қарасу авто посттарынан 148 литр бензин мен 700 литр дизельдің заңсыз тасымалының жолы кесілді.