Қырғызстанда теледидар көргіш түлкі пайда болды

АСТАНА. ҚазАқпарат - Жалал-Абад облысының Тогуз-Торо ауданы Дөдөмөл ауылындағы телемұнара қызметкерінің үйіне жабайы түлкі келіп теледидар көріп жүр, деп хабарлайды Turmush.

Бұл туралы телемұнара жұмысшыларының бірі Чыңғыз Әбікеев мәлім еткен. Оның сөзінше, теледидар көргіш түлкі өткен жылы қыста күн сайын келіп жүріп, кейін жоғалып кеткен.

«Түлкіге Алиса деп ат қойдық. Ол үйге кіріп тамақтанып алған соң теледидарды қызықтайтын. Аңшылар құрған қақпанға түсіп қалып аяғын жаралап алған болуы керек, біраз уақыт жоғалып кеті. Биыл қайтадан келіп жүр. Үйге терезеден кіреді. Біз оған тамақ береміз. Сосын әдеттегідей теледидар көріп отырады да кетіп қалады», - дейді Ч.Әбікеев.