Қолданушы баптаулары
Қолданушы баптаулары
+7 (701) 759 90 19 Лента
USD 354.12 EUR 416.73
RUB 5.37 CNY 51.65
Жаңалықтар

Қырғызстанда депутаттар Бішкек мэрінің отставкаға кетуін талап етті

2018 жылғы 13 шілде 15:35 405
Бөлісіңіз:
Қырғызстанда депутаттар Бішкек мэрінің отставкаға кетуін талап етті

БІШКЕК. ҚазАқпарат - Бүгін Бішкек қалалық кенеш депутаттары қала мэрі Албек Ибраимовке сенімсіздік вотумын білдірді, деп хабарлайды «ҚазАқпарат» ХАА-ның меншікті тілшісі.

Ұқсас жаңалықтар
Теңізге ыққан жасөспірім 49 күннен кейін құтқарылды Иранда жаңа оқу жылы басталды

Бүгін Бішкек қалалық кенешінің кезектен тыс отырысында депутаттар қала мэріне сенімсіздік вотумын білдіру туралы шешім шығарды.

Бұған 7 шілде күні вице-мэр Ренат Макеновтің ұсталуы себеп болған. Ол заңсыз жер учаскелерін бөлу дерегіне қатысты қылмыстық істі тергеп-тексеру аясында ұсталды. Ал Бішкек мэрі 10 шілдеден 8 тамызға дейін еңбек демалысына кеткен болатын.

А. Ибраимовтің қала өміріндегі осындай қысылтаяң тұста демалысқа кеткені депутаттардың ызасын келтірген. Осыған байланысты қалалық кенеш кезектен тыс отырыс шақырды.

«Қысқа, мейрамдарға дайындық жүргізу керек, қаншама жолдар салынуы тиіс. Осының бәрі жазда істеледі. Бүкіл жұмыс бір орнында тұр, ал бірінші вице-мэр қамауда жатқан кезде оның демалысқа кеткенін қалай түсінуге болады? Қала басшысы жауапты тұлға болуы тиіс!», - дейді қалалық кенеш төрағасы Алмаз Кененбаев.

Осыдан кейін депутаттар өз каникулдарынан бас тартты.

Бішкек мэрі бұл отырысқа қатысқан жоқ. Бірақ артынша БАҚ-та видеоролик жарияланды.

«Өкінішке қарай, мен Бішкек кенешінде болып жатқан оқиғалар туралы кейін білдім. Мен үш күн тауда болдым. Жуық арада нақты мәлімдеме жасаймын. Бүгінгі шешім саяси тапсырыс деп ойлаймын. Сондықтан алдағы уақытта тікелей эфирде сұхбат беруге дайынмын», - дейді мэр.

Албек Ибраимов 2016 жылдың ақпанында Бішкек мэрі болып сайланған. Оның отставкаға кету-кетпеуі туралы қорытынды шешімді елдің премьер-министрі қабылдайды.

 

 


Басты сөздер: Әлем, Қоғам,
Бөлісіңіз:
Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Жанат Қапалбаева
Жанат Қапалбаева
954-059
Мұрағат