Қырғызстанда азық-түлік бағасы 12,6 пайызға қымбаттады
2022 жылғы 11 тамыз 18:50

Қырғызстанда азық-түлік бағасы 12,6 пайызға қымбаттады

БІШКЕК. ҚазАқпарат - Қырғызстанда жыл басынан бері 12,6 пайызға қымбаттаған азық-түлік бағасымен қатар экономикалық көрсеткіштер де өсуде, деп хабарлайды ҚазАқпарат тілшісі Қырғыз Республикасының Ұлттық статистикалық комитетіне сілтеме жасап.

Статистикалық мәліметтерге сәйкес, ағымдағы жылдың ең қымбат өнімдерінің ішінде қант 41%-ға, ұн 25,5%-ға, жаңа піскен жемістер 20,7%-ға, сүт өнімдері 16,7%-ға, нан 14,5%-ға, қарақұмық – 14,3%, балық – 13,4%, алкогольсіз сусындар – 13,2%, қой еті – 12,9%, сиыр еті – 7%, жаңа піскен көкөністер – 3,7%-ға қымбаттады.

Жыл басынан бері республика бойынша тұтыну бағалары мен тарифтердің өсуі 9,6%-ды құрады. Азық-түлік өнімдерімен қатар алкогольдік ішімдіктер мен темекі өнімдерінің бағасы 12,9%-ға, азық-түлік емес тауарлардың бағасы 5,6%-ға, халыққа көрсетілетін қызметтердің тарифі 4,9%-ға қымбаттады.

Бағалар мен тарифтердің өсуі елдің барлық аймақтарында байқалды. Бұл ретте ең жоғары көрсеткіш Қырғызстан Республикасының Нарын облысында (14,4%) тіркелді, себебі алкогольдік ішімдіктер мен темекі өнімдері (27,1%-ға) қымбаттаған.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT