Қырғызстанда «Әлем аруының» өліміне кінәлі адам 10 жылға сотталды

АСТАНА. ҚазАқпарат - Ыстықкөл аудандық соты Чынгыз Кондурбаевты Әлем аруы Сәния Шәкірова қаза тапқан жол-көлік оқиғасына кінәлі деп танып, 10 жылға бас бостандығынан айыру жасазына кесті. Бұл жөнінде «Кабар» агенттігіне зардап шеккен тараптың қорғаушысы Рустам Абдурауфов мәлім етті, деп хабарлайды ҚазАқпарат.

Сондай-ақ, Шәкірованың бұрынғы күйеу жігітіне қаза тапқан әйелдің анасына 2 млн сом көлемінде моральдық өтемақы төлеу міндеттелді.
«Кондурбаев мас күйінде жол апатына ұшырап, оқиға орнынан жасырынғаны үшін толықтай кінәлі деп танылды. 10 жылға қоныс колониясына қамалды. Сондай-ақ, 2 млн сома түріндегі моральдық өтемақы төлейтін болады», - деді қорғаушы.

Сондай-ақ, заңгер зардап шеккен тарап бұл сомаға келіскенін және келісімге қатысты шағым түсірмейтінін жеткізді.

Еске салайық, 2018 жылғы 2 маусымда Ыстықкөл облысында жол апаты болып, Сәния Шәкірова қаза тапқан еді. Жол бойымен батысқа қарай жүріп келе жатқан такси жүргізушісі рөлді басқара алмай, қоршауға соғылған. Көлікте тағы да 2 адам болды. Сәния Шәкірова оқиға орнында көз жұмып, жолаушы мен жүргізуші жарақат алған еді.

Кейінірек көліктің рөлінде қаза тапқан әйелдің бұрынғы күйеу жігіті болғаны анықталды. Жүргізуші көлікті мас күйінде басқарған.