Қырғызстан президенті коронавируспен күрестегі ОА елдерінің өзара іс-қимылын жақсартуды ұсынды

None
None
ТҮРІКМЕНБАШЫ. ҚазАқпарат – Қырғызстан президенті Садыр Жапаров Түркіменстанның Түрікменбашы қаласында өткен Орталық Азия мемлекеттер басшыларының Консультативтік кездесуінде сөйлеген сөзінде Орталық Азия елдерінің коронавирус инфекциясымен күрестегі өзара іс-қимылын жақсарту бойынша бірқатар ұсыныс айтты, деп хабарлайды ҚазАқпарат Кабар агенттігіне сілтеме жасап.

Садыр Жапаров пандемиямен күрес жөніндегі жұмыстың маңызды аспектісі пандемияға, ең алдымен Еуразиялық экономикалық одақ және Тәуелсіз Мемлекеттер Достастығы елдерімен ден қою жөніндегі халықаралық өзара іс-қимылды нығайту және кеңейту болғанын атап өтті.

Осыған байланысты Садыр Жапаров ерекше назар аударуды талап ететін өзара іс-қимылды жақсарту бойынша бірқатар ұсыныс айтты. Атап айтқанда, бұл – вакцинация мәселелері.

«Қырғыз тарапы көрші елдердің дәстүрлі медицина орталықтарын құру туралы, сондай-ақ денсаулық сақтау жүйелері арасындағы, оның ішінде медицинаны, телемедицинаны цифрландыру, зертханалар салу, кадрлар даярлау және қоғамдық денсаулық сақтаудың жоғары тиімді және қуатты жүйесін бірлесіп құру үшін ақпарат алмасу саласындағы ғылыми-практикалық ынтымақтастықты одан әрі дамыту бастамаларын қолдайды. Сондай-ақ, тест нәтижелерін, COVID-19 вакцинациясының сертификаттарын немесе төлқұжаттарын өзара тану мәселелерін шешу қажет», - деді Қырғызстан президенті.

Қырғызстан басшысы сонымен қатар қырғыз тарапының келесі Консультативтік кездесуді 2022 жылы Қырғыз Республикасында өткізуге дайын екенін атап өтті.


Соңғы жаңалықтар