Қырғызстан Лукашенконың Бакиевпен кездесуіне байланысты наразылық нотасын жолдады
«Беларусь президенті Александр Лукашенконың Құрманбек Бакиевпен кездесуі туралы Беларусь Республикасы президентінің ресми сайтында жарияланған ақпаратқа сәйкес, 2019 жылдың 7 тамызында Қырғызстан Республикасының Сыртқы істер министрлігі Қырғызстандағы Беларусь Республикасының елшілік ісіндегі уақытша сенімді уәкілі С.Ивановты шақырды», - делінген Қырғызстанның сыртқы саяси ведомствосының баспасөз қызметі таратқан хабарламада.
Кездесу барысында Қырғызстанда сотталушы тұлғамен ресми ашық байланысты жалғастыруға наразылық білдірілген Қырғызстан СІМ-нің нотасы табысталды.
«Қырғыз тарапы осы кездесу барысында Қырғыз Республикасының мемлекеттік рәміздерін қолдануына және екі мемлекет арасындағы достық пен ынтымақтастық қағидаттарына мүлдем сәйкес келмейтін қырғыз-беларусь достығы туралы сөз қозғауға жол берілмейді деп санайды.
Қырғыз тарапы Беларусь Республикасының ресми билігін осы жағдайға көзқарасты өзгертіп, екіжақты ынтымақтастықтың жағымды жағына назар аударуға шақырады», - деп мәлімдеді Қырғызстан СІМ.