Қырғызстан көліктері Қазақстанның нарығына еркін енетін болады - ҰЭМ
«Отандық көлік өнеркәсібін Қырғызстанның арзан автоөнеркәсібінің импортынан қорғау мақсатында, Қазақстанның нарығына еркін қолжетімділікті Қырғыз Республикасының аумағына 2014 жылдың 1 қаңтарынан кейін кіргізілген автокөліктерге рұқсат беріледі. Бұл ретте автокөліктер «Доңғалақты көлік құралдары туралы» техрегламентке сай болуы керек», - деді Ерболат Досаев.
Сонымен қатар министрдің айтуынша, Қырғыз Республикасының ЕАЭО-қа қосылуы еуразиялық интеграция жолындағы маңызды қадам болып табылады. «Бұл өз кезегінде Кедендік одаққа мүше мемлекеттер үшін де, Бірыңғай экономикалық кеңістік үшін де тиімді болмақ. Сонымен қатар ЕАЭО-қа Қырғызстанның қосылуы Орталық Азия өңірінде сауда-экономикалық ынтымақтастық мүмкіндіктерін кеңейте түсудегі маңызды фактор болып табылады», - деді Е.Досаев.
Еске салайық, Қырғыз Республикасының ЕАЭО-қа қосылу туралы шартқа Қазақстан, Қырғыз, Беларусь, Ресей Президенттері 2014 жылдың 23 желтоқсанында қол қойылған. Ал Мәжіліс мақұлдаған заң жобасы Сенатқа жолданады.