16:24, 11 Наурыз 2021 | GMT +6
Қырғыз Президенті Ташкентке мемлекеттік сапармен барды
ТАШКЕНТ. ҚазАқпарат – Қырғыз Республикасының Президенті Садыр Жапаров бүгін Өзбекстанға мемлекеттік сапармен келді, деп хабарлайды ҚазАқпараттың меншікті тілшісі.
Ислам Кәрімов атындағы халықаралық әуежайда Садыр Жапаровты Өзбекстан Республикасының премьер-министрі Абдулла Арипов күтіп алды.
Қырғызстан мен Өзбекстан көшбасшылары кездесуінің күн тәртібіне сындарлы саяси диалогты жалғастырудың, сауда, өнеркәсіп, көлік, энергетика, ауыл және су шаруашылығы саласындағы көпжоспарлы өзара іс-қимылды кеңейтудің, парламентаралық және өңіраралық байланыстарды жандандырудың өзекті аспектілері енгізілген.