+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

«Қыран» командасының футболшылары 7 айдан бері жалақы алмаған

2019 жылғы 11 қазан 18:01
Бөлісіңіз:
«Қыран» командасының футболшылары 7 айдан бері жалақы алмаған

ТҮРКІСТАН. ҚазАқпарат - Түркістан облыстық қаржы басқармасы «Қыран» футбол командасының жетекшілеріне келісімшарт талаптарын орындамағаны үшін ескерту жолдады. Бұл жөнінде облыс әкімінің баспасөз қызметіне сілтеме жасап ҚазАқпарат хабарлайды.

Ұқсас жаңалықтар
«Тобыл» футболшылары 23 жастағы жігіттің емі үшін жейделерін сатты ҚПЛ: «Астана» жағдайын қиындатып алды Футбол: «Қайсар» Қазақстан кубогының иегері атанды

Облыс әкімдігі жеті айдан бері жалақы алмаған «Қыран» футбол командасының спортшыларына қатысты мәселеге алаңдап отыр.

Айта кетейік, «Қыран» футбол командасы үш жыл бұрын 10 жыл мерзімге А.Б.Исабаев есімді азаматтың сенімгерлік басқаруына өткен. Осыған дейін қаржы тапшылығына тап болғанын айтып, көмек сұраған ұжым жетекшілерін Түркістан облысы әкімінің орынбасары мен жауапты басқарма жетекшілері қабылдаған болатын.

«Қыран» футбол командасының жағдайымен жіті танысқан әкімдік өкілдері ең алдымен спортшылардың жалақы мәселесін шешуді назарға алуды баса айтқан. Футбол клубының мәселесіне қатысты облыстық дене шынықтыру және спорт басқармасы басшылығы, қаржы басқармасы мен стратегия және экономикалық даму басқармасы басшылығы баспасөз мәслихатын өткізді.


Түркістан облысы қаржы басқармасының мәліметінше, сенім артылған жақ келісімшарт талаптарын орындамаған. Тиісті талдау жұмыстарының негізінде мәлім болғаны - А.Б. Исабаев облыстық спорт басқармасының келісімінсіз қызметкерлер жалақысын көтеріп, бірнеше рет директорын ауыстырған. Биылғы бюджеттен бөлінген 281 миллион қаражат былтырғы қарызға, дәлірек айтқанда 2018 жылы «Қыран» командасы жанынан заңсыз ашылған екінші лига командасының ойындарына мақсатсыз жұмсалған.

Анықталған бірнеше заңсыздықтың нәтижесінде қаржы басқармасы мемлекет тарапынан қаржыландырылатын «Қыран» футбол командасының жетекшілеріне келісімшарт талаптарын орындамағаны үшін ескерту жолдады. Келісімшарт бұзылған сәттен бастап 10 күн ішінде мүлік мемлекетке қайтарылуы тиіс. Егер де сенімгерлік басқарушы бұл талаптарға келіспейтін болса, қаржы басқармасы сотқа беруге құқылы.

Біздің каналымызға жазылыңыз:

Басты сөздер: Түркістан облысы, Спорт,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT