+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Қылмыстық-атқару жүйесі комитетінде өтініштер мен шағымдарға арналған қауырт желі құрылды

2020 жылғы 16 тамыз 12:30
Бөлісіңіз:
Қылмыстық-атқару жүйесі комитетінде өтініштер мен шағымдарға арналған қауырт желі құрылды

НҰР-СҰЛТАН. ҚазАқпарат – Тұрғындар өтінішін Қылмыстық-атқару жүйесі комитетіне WhatsApp-тағы арнайы желі арқылы жібере алады, деп хабарлайды ҚазАқпарат тілшісі.

«Сенім телефоны, электрондық үкімет порталындағы төраға блогы сияқты жұмыс істеп жүрген кері байланыс құралдарына қосымша ретінде азаматтармен коммуникацияның тағы бір арнасы ашылды. Енді ҚАЖ тарапына бұзушылықтарға тап болатын әрбір азамат хабарлама жібере алады. Осындай байланыс бас бостандығынан айыру орындарында отырғандардың құқығының қорғалуы мен сақталуын қамтамасыз ету тәртібін жетілдіруге мүмкіндік береді», - деп атап өтті Қылмыстық атқару жүйесі комитетінің басшысы Жанат Ешмағамбетов.

Бұл үшін танымал WhatsApp мессенджерінде жедел желінің 8-776-677-80-77 нөміріне хабарлама немесе медиафайл жіберу жеткілікті. Оған жауап та мессенджерде беріледі.

«Біз кері байланыстың бұл түрі барлық құқық бұзушылықтар бойынша өтініштер мен шағымдардың қабылдануы мен қаралуын жеңілдетеді деп санаймыз. Бұл жұмысты бақылап, келіп түскен хабарламаларды онлайн режимде талдап отыратын және оларды жауап дайындау үшін комитеттің бейінді қызметтеріне жолдайтын оператор қызмет атқарады. Бірде бір хабарлама жауапсыз қалмайды. Азаматтардың шағымдары объективті әрі жан жақты қарау мақсатында бұған бас бостандығынан айыру орындарында қоғамдық бақылау жүргізетін мүдделі органдар мен олардың өкілдері тартылады», - деп қосып өтті ҚАЖК төрағасы.


Біздің каналымызға жазылыңыз:

Бөлісіңіз:

Автор:

Балнұр Қожагелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Үмбет Шолпан
Үмбет Шолпан
954-059

MURAǴAT