+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Құзға өрмелеуші Ришат Хайбуллин Токио Олимпиадасына қатысу нормативін орындады

2019 жылғы 20 тамыз 02:04
Бөлісіңіз:
Құзға өрмелеуші Ришат Хайбуллин Токио Олимпиадасына қатысу нормативін орындады

НҰР-СҰЛТАН. ҚазАқпарат - Спорттық құзға өрмелеуден Қазақстан командасының мүшесі Ришат Хайбуллин 2020 жылғы Токио Олимпиадасына қатысу нормативін орындады деп хабарлайды ҚазАқпарат Olympic.kz-ке сілтеме жасап.

Ұқсас жаңалықтар
ҚХЛ: «Барыс» «Авангард» командасынан басым түсті Ақмолалық баскетболшы қыздар Қазақстан кубогының жеңімпазы атанды Ауыр атлетика: Илья Ильин Катар кубогына қатысады

Бұл күндері Жапонияның Хатиодзи қаласында спорттық құзға өрмелеуден әлем чемпионаты өтіп жатыр. Көпсайыстан іріктеу сынына әлем кубогы кезеңдерінде мейілінше жоғары ұпай жинаған 20 спортшы қатысқан болатын. Финалға жолдама алған жеті спортшы Олимпиада нормативін орындады. Ал бір лицензия автоматты түрде Олимпиада қожайыны саналатын Жапония спортшысына беріледі. Әлем чемпионатының көпсайыс финалына төрт жапондық спортшы өтті. Бұл Ришат Хайбуллиннің Олимпиада нормативін орындағанын растайды. Өйткені, бір елден екі спортшы ғана 2020 жылғы Олимпиадаға қатыса алады.

«Іріктеу жүйесі бойынша, Олимпиаданың жеті жолдамасы әлем чемпионатында ойнатылды. Ал бір лицензия құрлық додасында беріледі. Сондай-ақ, желтоқсан айында лицензиялық турнир өтеді. Ришаттың көпсайыстан алғашқы жиырмалыққа енетініне сенімді болдым. Хайбуллин 20 спортшының арасына 14-ші нәтижемен өтті. Сондай-ақ, іріктеуге 39 елден 83 спортшы қатысқан болатын. Келесі кезеңге өткен спортшылардың аяқ алысын бақылаған соң, Ришаттың Олимпиада нормативін орындау мүмкіндігі бар екенін түсіндік. Ришат «жылдамдық» бойынша Қазақстанның жаңа рекордын орнатты – 5, 863 секунд. Бұл оның жоғары көтерілуіне мүмкіндік берді», - дейді команданың бас бапкері Сәуле Ысқақова.

Айта кетелік, спорттық құзға өрмелеуден Токиода алғаш рет Олимпиада жүлдесі таратылады. 2016 жылы өткен Халықаралық Олимпиада комитетінің Сессиясында аталған спорт түрі Олимпиада бағдарламасына енді.

Бүгінге дейін #TEAMKZ спортшылары 11 лицензия жеңіп алды. Атап айтар болсақ, жүзуден Дмитрий Баландин (100, 200 метрге брасс әдісімен жүзу), жеңіл атлеттер Ольга Рыпакова мен Георгий Шейко, велоспорттан Евгений Гидич, садақ атудан Қазақстан құрамасы (жекелей сынға Денис Ганькин, Ильфат Абдуллин және Санжар Мұсаев қатысады), спорттық құзға өрмелеуден Ришат Хайбуллин және ашық суда жүзуден Виталий Худяков Олимпиадаға жолдама алды.

Біздің каналымызға жазылыңыз:

Басты сөздер: Спорт,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT