USD 434.84 EUR 498.2
RUB 5.72 CNY 68.47
Jańalyqtar

Кувейт Қазақстан билігінің қабылдап жатқан шараларына қолдау білдірді

2022 жылғы 13 қаңтар 23:21
Бөлісіңіз:
Кувейт Қазақстан билігінің қабылдап жатқан шараларына қолдау білдірді

НҰР-СҰЛТАН. ҚазАқпарат - Кувейт тарапының бастамасымен Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Кувейт Мемлекетінің Сыртқы істер министрі Ахмад Нассер әл-Мұхаммед әл-Сабахпен телефон арқылы сөйлесті. Бұл туралы ҚазАқпарат СІМ сілтеме жасап хабарлайды.

Сұхбат барысында Кувейт министрі Әмірдің елдегі жағдайды тұрақтандыру бойынша Қазақстан билігінің қабылдап жатқан шараларына қолдау білдірген сөздерін жеткізді.

М.Тілеуберді Президент Қасым-Жомарт Тоқаевтың жаңадан құрылған ҚР Үкіметінің алдына қойған, Қазақстанның қалыпты өмір сүру жағдайын қалпына келтіруге және қоғам мен экономикасын жаңартуға бағытталған жаңа міндеттері туралы хабарлады.

Сонымен қатар, сұхбаттастар екі ел арасындағы ынтымақтастықты ары қарай нығайту, соның ішінде жоғары және аса жоғары деңгейлерде өзара сапарлар ұйымдастыру мәселелерін талқылады. Халықаралық ұйымдар аясындағы өзара іс-қимылға назар аударылды, әсіресе АӨСШК шеңберіндегі ынтымақтастыққа.



Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT